1. தினசரி தங்கள் குழந்தைகளுக்கு கொடுக்கப்பட்டுள்ள வீட்டு வேலைகளைக் கேட்டறிந்து நன்றாகச் செய்ய உதவவும்.
2. தங்களுக்கு வேண்டிய படிப்பு தொடர்பான தகவல்களை அலுவலகத்தில் கேட்டு தெரிந்து கொள்ளலாம். ஆனால் பள்ளி நடைபெறும் பொழுது வகுப்புகளுக்கு செல்வதையும் ஆசிரியரை சந்திப்பதையும் தவிர்க்கவும்.
3. தேர்வுகள் முடிந்தபின் மாணவர்கள் மூலம் அனுப்பப்படும் மதிப்பெண் பட்டியலில் கையொப்பமிட்டு அடுத்த தினமே திருப்பி அனுப்பவும். அவ்வாறு திருப்பிச் சேர்க்காத மாணவர்களை வீட்டுக்குத் திருப்பி அனுப்ப நேரிடும்.
4. தங்கள் குழந்தைகளுக்கு குறைந்தது இரு சீருடைகளாவது தயார் செய்து வைத்துக் கொண்டு, நேரத்தில் சீருடையில் பள்ளிக்கு அனுப்பவும்.
5. தங்கள் குழந்தைகளுக்கு தேவைப்படும் பாடப்புத்தகங்கள், நோட்டுகள், இதர பொருட்கள் உரிய நேரத்தில் வாங்கிக் கொடுக்கவும்.
6. தங்கள் குழந்தைகள் போதுமான முன்னேற்றத்தை படிப்பில் அடையாமலிருந்தால், அவர்களிடம் தனிகவனம் செலுத்துவதுடன், பெற்றோர் - ஆசிரியர் கூட்டங்களில் கலந்து கொண்டு குறைகளை களைய ஆவண செய்யவும்.
7. பெற்றோர்கள் / பாதுகாவலர்கள் குழந்தைகளின் நலத்தில் அக்கறை கொண்டு ஒழுக்கம், கட்டுப்பாடு, நேரந்தவறாமை போன்ற நற்பண்புகளை வளர்க்க பள்ளி எடுக்கும் எல்லா நடவடிக்கைகளிலும் ஒத்துழைக்கவும்.
8. தங்கள் குழந்தைகள் விலையுயர்ந்த அணிகலன்களை அணிந்து கொண்டு பள்ளிக்கு வராமல் பார்த்துக் கொள்ளவும்.
9. தங்கள் குழந்தைகளை புத்தகங்கள், பேனா, உணவுடப்பா, மிதிவண்டி போன்ற பொருட்களை பாதுகாப்பாக வைத்துக் கொள்ள அறிவுறுத்தவும், நிர்வாகம் உடமைகள் பாதுகாப்பிற்கு பொறுப்பல்ல.
10. தங்கள் குழந்தைகளுக்கு உணவு கொண்டு வந்து கொடுக்க விரும்பினால் பள்ளிக்காவலரிடம் கொடுத்துச் செல்ல வேண்டும். குழந்தைகள் உணவருந்தும் போது பெற்றோர் உடனிருக்க அனுமதி கிடையாது.
11. தங்கள் குழந்தைகள் குடுவைகளில் காய்ச்சிய குடிநீர், சிறிய துண்டு ஆகியவற்றை வைத்துகொள்ளும் பழக்கத்தை வலியுறுத்தவும்.
12. தங்கள் குழந்தைகளின் வளர்ச்சி பற்றிய விவரத்தை அறிய முதல்வரை மட்டும் அனுகவும். ஆசிரியர்களை சந்திப்பதோ, உரையாடுவதோ கூடாது.
13. மாணவர் வளர்ச்சி பள்ளி வருகையோடு தொடர்பு கொண்டது. நுாறு சதவீத வருகை விரும்பப்பட்டாலும் குறைந்தது 75 சதவீத வருகை அடுத்த மேல் வகுப்பிற்குச் செல்ல நிபந்தனையாகும்.
14. தொடர்ச்சியாக ஐந்து நாட்களுக்கு மேல் விடுமுறை விண்ணப்பம் கொடுக்காமல் பள்ளிக்கு வராத மாணவர்களின் பெயர் வருகை பதிவேட்டில் இருந்து நீக்கப்படும். நீக்கப்படும் மாணவர்கள் மறுபடியும் சேர சேர்க்கைக் கட்டணம் செலுத்த வேண்டும்.
15. பள்ளிக்கு நேரத்திற்கு வராத மாணவர்கள் விடுமுறை விண்ணப்பம் தராத மாணவர்கள், சீருடையில் வராத மாணவர்கள், பள்ளிக் கட்டணத்தை உரிய நேரத்தில் செலுத்தாத மாணவர்கள், முன்னேற்ற பதிவேட்டை உரிய நேரத்தில் திருப்பிச் சேர்க்காத மாணவர்கள் பள்ளியின் முதல்வரை சந்தித்து அனுமதி பெற்ற பின்னரே வகுப்புக்குச் செல்ல வேண்டும். மேற்கூறிய குறைகளைக் களைய பெற்றோர்கள் தனி கவனம் செலுத்தவும்.
16. பள்ளியில் நடைபெறும் அனைத்து விழா நிகழ்ச்சிகளுக்கும் மாணவர் வருகை கட்டாயமாகும். வராத மாணவர்கள் அபராதம் விதிக்கப்படுவர்.
17. விடுமுறை விண்ணப்பங்கள் வகுப்பு ஆசிரியருக்கு அனுப்பபடல் வேண்டும். விடுமுறை மூன்று நாட்களுக்கு அதிகமானால் முதல்வருக்கு அனுப்ப வேண்டும்.
18. தங்களுடைய செல் போன் மற்றும் தொலைபேசி எண் மாற்றம் செய்தால் அலுவலகத்தில் உடன் தெரியப்படுத்தவும். பெற்றோர்களை உடன் தொடர்பு கொள்ள உதவியாக இருக்கும்.

மேற்கூறிய பள்ளியின் விதிமுறைகள் குழந்தைகளின் நலனுக்காகவும், நல்ல தேர்ச்சியை பெறுவதற்காகவும் நடைமுறையில் கடைபிடிக்கப்படுகின்றன. பொற்றோர்களும் இதனை உணர்ந்து நிர்வாகத்தோடு முழுமனத்துடன் ஒத்துழைக்க வேண்டப்படுகின்றார்கள்.